by thirumalai January 25, 2023 162582 திருவின் மொழி -1 சூரியனை விட்டு விலக விலக நிழல் வளரும்! நம்பிக்கையிலிருந்து விலக விலக பயம் படரும்!! திருவின் மொழி -2 நாக்கு ஒரு தலைபட்சமான காவல் அதிகாரி! உள்ளே அனுப்பும் உணவை நன்கு சோதித்து அனுப்பும் நாக்கு வெளியே விடும் வார்த்தைகளை மட்டும் சோதிக்காமல் விடுவது ஏன் ??? திருவின் மொழி -3 மலர் முள்ளாவதேன் ? பிறந்த குழந்தையின் பாதங்களை வருடி மலர் என்று கொண்டாடிய மனிதன் வளர்ந்த பிள்ளை சொல்லும் சொற்களை மட்டும் முள்ளென்று வெறுப்பது ஏன் ? திருவின் மொழி -4 உனக்கு வருவதுதானே வரும் ? உனக்கு வருவது தானே ….. வரும் !!! திருவின் மொழி – 5 வாழ்வின் தொடக்க உரை கேள்விகுறியாக இருக்கலாம் ? ஆனால் வாழ்வின் முடிவுரை ஆச்சரியகுறியாகவே இருக்க வேண்டும் !!! திருவின் மொழி – 6 ஆண்டவனால் அமைதியாக அற்புதமாக அனுதினம் நடத்தப்படுகின்ற பாடங்கள் அனைத்தும் அனுபவம் என்ற தேர்வை நோக்கியே நம்மை அழைத்துச் செல்கின்றது !
